2025-жылдын 19-20-ноябрында Кыргызстанда Кытайдын тышкы иштер министри Ван Инин расмий визити өтүп жатат. Ал Кытай Коммунисттик партиясынын Борбордук комитетинин Саясий бюросунун мүчөсү болуп саналат. Визит Кыргызстандын тышкы иштер министри Жээнбек Кулубаевдин чакыруусу менен өтүүдө.
Визит учурунда эки өлкөнүн тышкы иштер министрлеринин деңгээлинде Стратегиялык диалогдун биринчи жыйыны өттү, деп билдирди Кыргызстандын тышкы иштер министрлиги.
Переговорлордун жүрүшүндө кыргыз-кытай кызматташтыгы боюнча кеңири маселелер талкууланды, акыркы жылдардагы мамлекеттер ортосундагы өз ара аракеттенүүнүн көрүнүктүү өнүгүшүнө басым жасалды. Жаңы милдеттер жана узак мөөнөттүү пландар белгиленди. Бул жылы эки өлкөнүн лидерлеринин ортосунда үч эки тараптуу жолугушуу болду.
Переговорлор соода-экономикалык кызматташтыкка, айыл чарба, энергетика жана транспорт сыяктуу тармактарда биргелешкен долбоорлорду ишке ашырууга, ошондой эле контролдук өткөрмө пункттарынын ишин оптимизациялоого багытталды. Министрлер «Кытай – Кыргызстан – Өзбекстан» темир жолу курулушун илгерилетүүнүн маанилүүлүгүн баса белгилешти.
Тараптар ошондой эле БУУнун алкагында кызматташуу, «Бир пояс, бир жол» демилгеси жана «Ортолук Азия – Кытай» форматын талкуулашты. Министрлер 2025-2026-жылдары Кыргыз Республикасынын Шанхай кызматташтык уюмундагы төрагалыгынын алкагында активдүү өз ара аракеттенүүгө даяр экендиктерин билдиришти.
Переговорлордун жыйынтыгы менен Кыргыз Республикасынын жана Кытай Эл Республикасынын тышкы иштер министрлеринин Стратегиялык диалогунун биринчи жыйыны боюнча биргелешкен билдирүү жана 2026-2027-жылдарга карата тышкы иштер министрликтеринин ортосундагы кызматташтык программасы кол коюлду. ```
