Жолугушуунун жүрүшүндө гендердик теңдик, аялдардын укуктарын кеңейтүү жана гендердик саясатты мамлекеттик программаларга жана стратегияларга интеграциялоо маселелери талкууланды.
Канат Сагынбаев аялдардын укуктарын коргоонун, дискриминацияны жана зомбулукту алдын алуунун маанилүүлүгүнө, ошондой эле алардын бардык деңгээлдерде чечим кабыл алууга катышуусунун зарылдыгына көңүл бурду. Ал Президент Садыр Жапаровдун «зомбулукка нөлдүк чыдамдуулук» боюнча демилгеси гендердик зомбулукка каршы күрөштө маанилүү кадам болуп жатканын белгиледи, бул министрликтин ишинин негизги багыты болуп саналат.
Кооперацияны тереңдетүү үчүн министр социалдык коргоо, укук коргоо жана медициналык кызматтардагы адистердин квалификациясын жогорулатууга багытталган биргелешкен демилгелерди ишке ашырууну карап чыгуу сунушун берди. Ошондой эле маалыматтык-агартуу кампаниялары жана мүмкүнчүлүгү чектелген аялдарды да камтыган аялдардын экономикалык көз карандысыздыгын колдоо маселелери талкууланды.
Мындан тышкары, Сагынбаев үй-бүлөлүк зомбулукту алдын алуу жана ага жооп берүү боюнча ведомстволор аралык координациялык жыйын өткөрүү пландары тууралуу айтып берди. Жыйында мамлекеттик органдардын жана социалдык кызматтардын биргелешкен аракеттери, учурдагы абалды баалоо жана мыйзамдарды жакшыртуу, зомбулукту алдын алуу боюнча чараларды иштеп чыгуу маселелери талкууланат.
Сайед Садик өз кезегинде конструктивдүү өз ара аракеттенүү үчүн ыраазычылык билдирип, иштеп жаткан меморандумдун алкагында биргелешкен иштин приоритеттерин аныктоонун маанилүүлүгүн белгиледи.
Жолугушуунун аягында эки тарап тең аялдар менен эркектер үчүн Кыргызстанда тең укуктарды жана мүмкүнчүлүктөрдү илгерилетүү боюнча өнөктөштүктү жана күч-аракеттерди координациялоону мындан ары бекемдөөгө даярдыктарын билдирди.
