Министрликтин маалымат кызматы билдиргендей, жолугушууда мектеп жана баштапкы кесиптик билим берүү тармагындагы кызматташуу багыттары талкууланды.
Кыргызстандын жалпы билим берүү мекемелеринде француз тилин окутууну өнүктүрүүгө негизги көңүл бурулду. Элчи тилди үйрөнүү программаларын кеңейтүүгө кызыгуу билдирди жана француз тилин үйрөнүүгө бөлүнгөн сааттарды көбөйтүүнү сунуштады.
Догдуркул Кендирбаева, өз кезегинде, француз тилин кошумча предмет катары киргизүүгө мүмкүнчүлүгү бар гуманитардык жана тилдик багыттагы мектептердин бар экенин белгиледи. Ал кыргыз билим берүү системасынын өзгөчөлүктөрүнө ылайык келген окуу-методикалык комплексти түзүүнүн зарылдыгын баса белгиледи.
Тараптар баштапкы кесиптик билим берүү тармагында кызматташуу мүмкүнчүлүктөрүн да талкуулашты. Кыргыз тарап француз ашканасы жана туристтик гиддерди даярдоо боюнча кыска мөөнөттүү курстарды профессионалдык лицейлердин базасында уюштурууну сунуштады.
Жолугушуунун жыйынтыгы боюнча француз тили боюнча окуу-методикалык программаны иштеп чыгуу жана биргелешкен билим берүү инициативаларын пландаштыруучу жумушчу топту түзүү чечими кабыл алынды.
