Саламаттык сактоо министрлигинин маалымат кызматына ылайык, жолугушууда санариптик саламаттык сактоо тармагында биргелешкен кызматташуу мүмкүнчүлүктөрү талкууланды. Айрыкча, мыйзамдык негиздерди иштеп чыгуу, киберкоопсуздукту камсыз кылуу жана медициналык практикада жасалма интеллект технологияларын киргизүү тууралуу сөз болду.
Министр конструктивдүү диалогду улантууга даяр экенин билдирди жана швед кесиптештерине алардын ачыктыгы жана тажрыйба менен бөлүшүүгө болгон каалоолору үчүн ыраазычылык билдирди. Ал ошондой эле ДСУнун саламаттык сактоо системаларын чыңдоого багытталган эл аралык кызматташтык үчүн платформа катары маанилүү ролду ойнорун баса белгиледи.
