Ал туздун максималдуу сунушталган дозасы күнүнө 5 граммды түзөрүн, бул болжол менен бир чай кашыкка барабар экенин тактады.
Дүйнөлүк саламаттыкты сактоо уюмунун 2018-жылга карата маалыматына ылайык, Кыргызстан Борбордук Азияда тузду колдонуу деңгээли боюнча биринчи орунду ээлейт. Норма 5 грамм болсо, өлкөнүн тургундары орточо 17,24 грамм тузду күнүнө колдонушат.
Марина Дүйшонкулова ошондой эле тузду ашыкча колдонуу жүрөк-кан тамыр системасына терс таасирин тийгизип, кан басымын жогорулатып, инфаркт жана инсульт коркунучун жогорулатышы мүмкүн экенин баса белгиледи.
