Ал өз сөзүндө Кыргызстандын биринчи медициналык-санитардык жардам деңгээлинде оорулардын алдын алуу жана контролдоо боюнча кызматтарды интеграциялоодогу аракеттерин баяндады. Чечейбаев бул багыт министрликтин негизги приоритеттеринин бири экенин жана ДСУ менен кызматташуунун маанилүү бөлүгү экенин баса белгиледи, деп билдирди Саламаттыкты сактоо министрлигинин басма сөз кызматы.
Министр гипертония жана диабет сыяктуу оорулардын эрте аныкталышына жана контролдонуна көңүл бурду. Ал ошондой эле жөнөкөйлөтүлгөн клиникалык протоколдорду киргизүүнү, медициналык медайымдардын ролун жогорулатууну жана медициналык жардамдын сапатын мониторингдөө үчүн цифралдык инструменттерди өнүктүрүүнү белгиледи.
Министр өз сөзүндө ДСУнун 2026-2030-жылдарга карата жаңы Европалык иш программасынын принциптери — адилеттүүлүк, инновациялар жана сектор аралык өз ара аракеттешүү — Кыргызстандын НИЗ менен күрөшүү боюнча улуттук стратегиясында чагылдырылганын айтты.
Чечейбаев ошондой эле жергиликтүү өз алдынча башкаруу органдары, коомдук уюмдар жана бейтаптар ассоциацияларынын дене тарбиясын өнүктүрүүгө тартылышынын маанилүүлүгүн, ошондой эле ден соолукка таасир этүүчү коммерциялык факторлор менен биргелешип күрөшүүнүн зарылдыгын белгиледи.
