Азербайжан Республикасынын борбору Баку шаарында 24-октябрда Түрк мамлекеттер уюмунун (ТМУ) илим, технология, инновациялар жана өнөр жай министрлеринин 2-чи жыйыны өттү. Жыйында Кыргыз Республикасынын экономика жана соода министри Бакыт Сыдыков катышты.
Өз сөзүндө министр ТМУнун маанилүүлүгүн жана өсүп жаткан ролун белгилеп, мамлекеттер ортосунда кызматташуу үчүн кеңири чөйрөнү камтый турганын айтты.
Жыйында өнөр жай, илим жана технологиялар тармагындагы негизги маселелерге өзгөчө көңүл бурулду, алардын чечимдери экономикалык байланыштарды өнүктүрүүгө олуттуу таасир этет.
Иш-чаранын аягында 2025-2026-жылдарга карата технология, илим жана өнөр жай тармагында кызматташуу боюнча жаңыланган План жана Коммюнике кол коюлду, ал төмөнкү приоритеттүү багыттарды камтыйт:
- изилдөөлөр жана өнүктүрүүлөр,
- жасалма интеллект,
- өндүрүш тармагында санариптик трансформация,
- инновациялык экосистема,
- ишкердик,
- метрология,
- стандартташтыруу жана шайкештикти баалоо,
- продукциянын коопсуздугу,
- өнөр жай,
- интеллектуалдык менчик.
