Борбордун маалыматына ылайык, Дүйнөлүк саламаттыкты сактоо уюму (ДСУ), ЮНИСЕФ жана Полиомиелитти жоюу боюнча глобалдык инициатива (GPEI) сыяктуу уюмдардын аракеттеринин натыйжасында миллиондогон балдар бул оорудан коргоо алышты, ал эми оорулуу учурлардын саны 99% дан ашык азайган.
"Кыргызстан полиомиелиттен бош өлкө катары статусун сактап калуу боюнча активдүү иш алып барууда. Вакциналарды сактоо шарттарын көзөмөлдөө жана вакцинациянын маанилүүлүгү тууралуу элди маалымдоо менен катар, пландалган жана кошумча иммунизация кампанияларын өткөрүүгө чоң көңүл бурулууда. Бирок акыркы маалыматтар кооптонууну жаратат", - деп белгилешти адистер.
Медициналык сунуштарга ылайык, топтук иммунитетти түзүү жана полиовирусунун мүмкүн болгон киришин же кайрадан жанданышына жол бербөө үчүн вакцинация менен камтуунун деңгээли 95% дан төмөн болбошу керек.
Адистер белгилешет: "Вакцинация деңгээли сунушталган деңгээлден төмөндөгөндө оорулардын пайда болуу коркунучун жогорулатат."
"Вакцинация өмүрдү сактайт! Бардык балдар белгиленген вакцинация графиги боюнча полиомиелитке каршы толук курс вакциналарды алышы керек", - деп чакырышты Республикалык иммунопрофилактика борборунан.
Башкы беттеги сүрөт иллюстративдик: dzhmao.ru.
