Министрликтин маалымат кызматынын маалыматына ылайык, жолугушууда кыргыз-турк кызматташтыгынын учурдагы абалы жана келечеги талкууланды.
Тараптар Кыргызстандын илим, жогорку билим берүү жана инновациялар министрлиги менен Түркиянын жогорку билим берүү боюнча кеңеши ортосундагы Өз ара түшүнүшүү меморандумун кол коюу процессин тездетүүнүн зарылдыгына макул болушту. Бул документ билим берүү тармагында натыйжалуу өз ара аракеттенүүгө көмөктөшөт.
Ошондой эле технопарктарды өнүктүрүү, илимий-техникалык долбоорлорду ишке ашыруу жана эки өлкөнүн инновациялык потенциалын күчөтүү боюнча биргелешкен иштерди жүргүзүү маселелери каралды.
