Илим, жогорку билим берүү жана инновациялар министрлигинин маалымат кызматынан билдиришкендей, иш-чара Кыргызстандагы жана чет өлкөдөгү илимпоздорду, университеттердин ректорлорун, өнөр жай ишканаларынын өкүлдөрүн жана Вьетнам, Кытай, Корея жана башка өлкөлөрдүн эл аралык өнөктөштөрүн чогултту.
Конференциянын алкагында илимий жетишкендиктердин көргөзмөсү уюштурулуп, анда жергиликтүү университеттер жана изилдөө борборлору биотехнология, энергетика, машина куруу, санариптештирүү жана агрардык технологиялар сыяктуу тармактарда өзүнүн инновациялык долбоорлорун көрсөтүштү.
Иш-чаранын ачылышында илим, жогорку билим берүү жана инновациялар министри Бактияр Орозов, Улуттук илимдер академиясынын президенти Канатбек Абдрахматов, академик жана Кыргыз Республикасынын Баатыры Миталип Мамытов, ошондой эле Эл аралык түрк маданияты уюмунун (ТЮРКСОЙ) башкы катчысы Султан Раев сөз сүйлөштү.
Конференцияны уюштуруучу катары Илим, жогорку билим берүү жана инновациялар министрлиги Улуттук илимдер академиясы менен кызматташып, иш-чараны кыргызстандык илимпоздордун кесиптик майрамына арнады.
