Кыргыз Республикасынын Президенти Садыр Жапаров 15-16-ноябрда Ташкентке жөнөп кетет. Анын визити Өзбекстандын президенти Шавкат Мирзиёевдин чакыруусу менен уюштурулуп, Борбордук Азия мамлекеттеринин башчыларынын Жетинчи Консультативдик жолугушуусуна арналган.
Бул тууралуу Президенттин администрациясынын тышкы саясат бөлүмүнүн жетекчиси Сагынбек Абдумуталип билдирди.
Жетинчи Консультативдик жолугушуунун күн тартибинде регионалдык өз ара аракеттенүүнүн келечеги боюнча негизги маселелер талкууланат.
Визит учурунда Садыр Жапаров менен Шавкат Мирзиёевдин ортосунда жолугушуу пландалган, бул Кыргызстан менен Өзбекстандын ортосундагы эки тараптуу мамилелердин маанилүүлүгүн белгилейт», - деп кошумчалады ал.
