Президенттин администрациясынын маалымат кызматынын маалыматы боюнча, экскурсия учурунда мамлекет башчысына пирамидалардын тарыхы сунушталды, алар байыркы цивилизацияны жана өлкөнүн маданий мурасын символдоштурат.
Андан кийин президент Улуу Египет музейин зыярат кылды, анын ачылышы 2025-жылдын 1-ноябрында Египет президентинин патронажында өттү. Бул музей дүйнөдөгү эң ири археологиялык музей катары эсептелет жана байыркы Египеттин артефактыларынын кеңири коллекциясын сактайт. Садыр Жапаров коюлган экспонаттар менен таанышып, музейдин дүйнөлүк маданий мурастын сактоодогу маанилүүлүгүн белгиледи.
Сапарынын соңунда президент музейдин ардактуу коноктор китебине жазуу калтырып, Египет тарапка жылуу кабыл алганы жана ушул улуу цивилизациянын тарыхына жакындоого мүмкүнчүлүк бергендиги үчүн ыраазычылык билдирди.
