Бул мыйзам 2025-жылдын 24-сентябрында Жогорку Кеңеш тарабынан кабыл алынды.
Жаңы мыйзамдын негизги максаты аскер-медициналык адистердин квалификациясын жана заманбап медициналык технологиялар менен иштөө жөндөмдүүлүктөрүн жакшыртуу болуп саналат.
«Аскер кызматкерлеринин статусу жөнүндө» мыйзамдагы өзгөртүүлөр белгилүү шарттарда (жашы жете элек кызматкерлерди эсепке албаганда) аскер кызматкерлерине мамлекеттик жана муниципалдык медициналык уюмдарда кошумча жумушта иштөө үчүн аскер бөлүктөрүнүн командирлеринен же мекемелердин жетекчилеринен уруксат алууга мүмкүнчүлүк берет. Бул чечим квалификацияны жогорулатууга жана тажрыйба алмашууга багытталган, деп маалымдады президенттин администрациясы.
