Өзбекстан Олий Мажлисинин Сенатынын төрагасы Танзила Нарбаева да Маматалиевге ийгилик каалап, анын шайланышы кыргыз элинин жана депутаттардын ишениминин белгиси экенин белгиледи. "Бул сиздин жогорку кесипкөйлүгүңүздү жана бай тажрыйбаңызды билдирет", - деп баса белгиледи ал.
Ал эки мамлекет ортосундагы парламент аралык диалогду жана байланыштарды бекемдөөгө кызыкдар экенин тастыктады.
Россия Федерациясынын Федералдык Жыйынынын Мамлекеттик Думасынын төрагасы Вячеслав Володин парламенттер конструктивдүү диалогду кеңейтүүдө жана өлкөлөр ортосунда стратегикалык өнөктөштүктү бекемдөөгө негизги роль ойнорун белгиледи. Ал ошондой эле эки тараптуу кызматташтыкты улантууга ниеттенерин билдирип, жаңы спикерди Россияга расмий сапар менен келүүгө чакырды.
Эскерте кетсек, Нурланбек Туругунбек уулу парламенттин спикерлигинен кеткенден кийин депутаттык топтор Марлен Маматалиевдин кандидатурасын сунуштап, ал көпчүлүк добуш менен шайланган.
