Окуу жайдын директору Гулькайыр Майрыкеева билдиргендей, подвал узак убакыт бою колдонулбай, таштандыга айланган. Бирок, 2023-жылы англис тилин окутуу үчүн келген волонтер Алекс Лоу тарабынан абал өзгөрдү.
Алекс Лоунун демилгеси менен таштандыга айланган подвалда капиталдык оңдоп-түзөө иштери жүргүзүлүп, анын баасы 1 миллион 600 миң сомду түздү. Натыйжада, бул жерде жаңы актовый зал жана кружоктук иш-аракеттер үчүн жайлар пайда болду.
Мындан тышкары, өнүктүрүү фонду аркылуу подалдагы инженердик системалардын толук реконструкциясы жүргүзүлдү.
Инфраструктураны жаңылоонун алкагында заманбап жылуулук системасы орнотулду, бул мектептин имаратында ыңгайлуу температураны камсыз кылууга мүмкүндүк берет.
