Оперативдик иш-чаралардын жүрүшүндө чек арачылар кармалган адам Кыргызстандан Тажикстанга малды расмий өткөрмө пункттарын айланып өтүп өткөрүүгө аракет кылганын аныкташты. Операциянын жыйынтыгында мыйзамсыз өткөрүү үчүн даярдалган 10 баш ири мүйүздүү мал табылып, кармалды.
Кармалган адам жана мал Мамлекеттик чек ара кызматынын бөлүмүнө алып келинип, кийинки териштирүү жана Кыргыз Республикасынын мыйзамдарына ылайык расмий документтештирүү үчүн өткөрүлдү.
Мамлекеттик чек ара кызматы мамлекеттик чек араны бузууга жана товарлар менен жаныбарларды мыйзамсыз өткөрүүгө болгон аракеттердин Кыргыз Республикасынын мыйзамдарына ылайык кылмыш жоопкерчилигин жаратарын эскертет.
