Министрлер кабинетинин төрагасы Адылбек Касымалиев МЧСтын жаңы жетекчиси Урматбек Шамыркановду жамаатка тааныштырды.
Касымалиев Шамыркановдун дайындалышы анын МЧСтагы чоң тажрыйбасы менен байланыштуу экенин белгиледи. Ал министрликтин заманбап чакырыктар шартындагы маанилүүлүгүн, жогорку квалификация жана ылдам реакция талап кылынарын баса белгиледи.
«Сиздин тажрыйбаңыз жана билимиңиз менен башка мамлекеттик структуралар менен натыйжалуу өз ара аракеттешүүнү уюштуруп, өзгөчө кырдаалдардын пайда болуу коркунучун азайтууга багытталган профилактикалык чараларды күчөтүүгө жөндөмдүүсүз», - деп кошумчалады кабинет башчысы.
Касымалиев өз сөзүнүн аягында Шамыркановго жаңы жооптуу кызматында ийгилик каалап, бардык тапшырмаларды аткарууда колдоо көрсөтүүгө даяр экенин билдирди.
Президент тарабынан Шамыркановдун МЧСтын министринин милдетин аткаруучу болуп дайындалышы бекитилген. Азыркы учурда анын талапкерлиги Жогорку Кеңеште акыркы дайындоо үчүн макулдашууга күтүп жатат.
