Жогорку Кеңеште өткөн жыйында спикер Марлен Маматалиев президент Садыр Жапаров менен болгон жакындагы жолугушуусу тууралуу маалымдады. Ал парламенттин келечектеги беш жылдык өнүгүү стратегиясын сунуштады.
Маматалиев өз сөзүндө реформалардын маанисине, айрыкча санариптештирүү тармагына көңүл бурду.
Анын айтымында, президент санариптик технологияларды киргизүү башкаруучулук чечимдерди кабыл алуу процессин 10–20 эсе тездетүүгө мүмкүндүк берерин белгиледи, бул натыйжалуулукту кыйла жогорулатат жана адам ресурстарын оптималдаштырууга жардам берет.
«Убакыт — бул эң кымбат ресурстар. Санариптештирүүнүн жардамы менен бюджеттик каражаттарды кыйла үнөмдөөгө жетишилди. Оптималдаштыруунун натыйжасында 1 миллиард 205 миллион сом үнөмдөлдү, бул каражат социалдык долбоорлорго жана жөлөк пулдарды көбөйтүүгө жумшалат», - деп белгиледи спикер.
Мындан тышкары, Маматалиев мындай ыкмаларды парламенттик ишмердүүлүктө мыйзам чыгаруу иштеринин натыйжалуулугун жогорулатуу үчүн колдонуу пландалып жатканын кошумчалады.
