Иш-чарада шаар мэри, шаардык администрациянын өкүлдөрү жана аксакалдар катышты.
Жыйында катышуучулар үч негизги маселени талкуулашты.
Алгач аксакалдар кеңешинин отчету сунушталды, анда мурдагы аткарылган иштер тууралуу маалымат камтылган. Айрыкча коомдук тартипти сактоо, жаштар менен иштөө, ошондой эле үй-бүлөлүк конфликттерди чечүүгө катышуу жана коомдо биримдикти жана ынтымакты бекемдөөгө багытталган аракеттерге басым жасалды. Катышуучулар сунушталган отчетту активдүү талкуулашты.
Кийинки маселе жаңы төраганы шайлоо жана шаардык аксакалдар кеңешинин курамын бекитүү болду. Добуш берүүнүн жыйынтыгында төрага болуп Сабыржан Токтогулов шайланды, ал эми жаңы кеңештин курамы бекитилип, 11 мүчөдөн турат.
Үчүнчү маселе Мамасалы Сабировдун 80 жылдыгына арналган юбилейлик иш-чараларды уюштуруу болду. Катышуучулар, анын ичинде КРнын Баатыры жана гидростроитель Акбаралы Кабаев, бул окуяга арналган салтанаттарды уюштуруу үчүн мэрияга кайрылышты.
Объектилер
Спутник
⛶
