Министр ошондой эле "Камбар-Ата-1" ГЭСин куруу жана Кытай - Кыргызстан - Өзбекстан темир жол коридорун түзүү сыяктуу маанилүү инвестициялык демилгелерди сунуштады. Ал Кыргызстандын европалык технологияларды колдонууга кызыкдар экенин билдирип, транспорттук байланыштын жана энергетикалык коопсуздуктун регион үчүн маанилүү ролун баса белгиледи.
Ачык талкуунун жүрүшүндө Кулубаев Европарламенттин делегаттарынын экинчи санкциялар боюнча суроолоруна жооп берип, Кыргызстандын позициясын билдирип, эл аралык милдеттенмелерге берилгендигин растады.
Мындан тышкары, жолугушуунун катышуучулары Борбордук Азия алдында турган негизги чакырыктар жана демилгелерди камтыган учурдагы регионалдык күн тартибин талкуулашты.
