Кабмин башчысы объектилердин абалын, курулуш иштеринин темпин жана бейтаптар менен медициналык персонал үчүн түзүлгөн шарттарды баалады. Мындан тышкары, өлкөдөгү кардиохирургияны өнүктүрүү боюнча пландар сунушталды.
Улуттук кардиология жана терапия борборунда учурда поликлиника, операциялык блок, нефрология бөлмөсү, тамак-аш блогун жана суу менен камсыздоо, канализация, электр менен камсыздоо жана желдетүү сыяктуу инженердик тармактарды камтыган оңдоп-түзөө жана курулуш иштеринин жүргүзүлүп жатканы белгиленди.
Медициналык мекемелерди заманбап жабдуулар менен камсыз кылууга, кардиологиялык жардамдын сапатын жакшыртууга жана бейтаптар үчүн ыңгайлуу шарттарды түзүүгө өзгөчө көңүл бурулду.
Жооптуу органдарга иштердин жүрүшүн көзөмөлдөө, мекемелерди жабдуулар менен камсыздоо жана медициналык кызмат көрсөтүүлөрдүн сапатын камсыз кылуу боюнча көрсөтмөлөр берилди.
