Амангельдиевдин айтымында, бул жабдыктар инфраструктуралык долбоорлорду ишке ашыруу, айыл чарбасын колдоо, ошондой эле калктуу конуштардагы көйгөйлөрдү чечүү жана өзгөчө кырдаалдардын алдын алуу үчүн колдонулат.
Ал: "Биздин мамлекет күндөн-күнгө бекемделип, өнүгүү жолунда ишенимдүү алга жылууда. Бул техника региондорду колдоого чоң салым кошот деп ишенем" - деп баса белгиледи.
Мындан тышкары, Амангельдиев жумушчу сапарынын алкагында коллегиянын жыйынына катышып, быйыл Талас облусунда өтө турган Кыргызстандын көз карандысыздыгынын 35 жылдыгын белгилөөгө даярдык менен таанышып чыкты.
