Кабыл алынган документке ылайык, «Кыргыз Республикасынын коммерциялык банктары, алмашуу бюролору, микрофинансылык жана микрокредиттик компаниялары тарабынан казак тенгеси менен операцияларды жүргүзүү боюнча убактылуу тартип жөнүндө» 2022-жылдын 18-мартында кабыл алынган токтомдун күчү 2026-жылдын 15-сентябрына чейин токтотулат.
Башында токтотуу мөөнөтү 2026-жылдын 15-мартына чейин белгиленген, бирок жаңы токтом бул мөөнөттү дагы алты айга узартат.
Бул чечим расмий жарыяланган учурдан тартып күчүнө кирет. Улуттук банк ошондой эле жаңы токтом жөнүндө коммерциялык банктарды, микрофинансылык жана микрокредиттик уюмдарды, алмашуу бюролорун, профилдик ассоциацияларды, ошондой эле Экономика жана соода министрлигин маалымдоону камсыз кылууну тапшырды.
Токтомдун аткарылышын көзөмөлдөө Улуттук банктын башкармалыгынын мүчөсүнө, банктык көзөмөл үчүн жооптуу адамга жүктөлгөн.
Маалымат
2022-жылдын 19-мартынан тартып коммерциялык банктар, алмашуу бюролору жана микрофинансылык компаниялар казак тенгесинин кыргыз сомуна сатып алуу курсун НБКР тарабынан белгиленген расмий курсунун 70% дан ашпаган тобокелдик салмак коэффициентин эске алуу менен белгилөөгө милдеттүү.
