Кыргыз Республикасынын Президенти Садыр Жапаров «Жарандардын медициналык камсыздандыруу жөнүндө» мыйзамына өзгөртүүлөрдү бекитти.
Бул мыйзам долбоору 2026-жылдын 22-январында Жогорку Кеңеш тарабынан жактырылды.
Жаңы өзгөртүүлөрдүн негизги максаты медициналык камсыздандыруу системасында камсыздандырылган жарандардын укуктарын коргоо, медициналык кызмат көрсөтүүчүлөрдөн толук жана так маалымат алууга мүмкүнчүлүк берүү болуп саналат. Бул ошондой эле мамлекеттик кепилдиктер программасынын алкагында көрсөтүлгөн медициналык жардамдын жеткиликтүүлүгүн жана ачыктыгынан жогорулашына багытталган.
Өзгөртүүлөр 13-беренеге тиешелүү, анда камсыздандырылган жарандардын камсыздоочулардан жана кызмат көрсөтүүчүлөрдөн медициналык, фармацевтикалык, профилактикалык, реабилитациялык жана ден соолукка байланыштуу кызматтардын сапаты, шарттары жана түрлөрү тууралуу актуалдуу маалымат алууга укугу бекитилет.
16-беренеде ошондой эле милдеттүү медициналык камсыздандыруу системасында медициналык кызмат көрсөтүүчүлөрдүн милдеттери такталат. Атап айтканда, алар:
– камсыздандырылган жарандарга көрсөтүлгөн медициналык жардам тууралуу маалыматтарды эсепке алууга;
– мамлекеттик кепилдиктер программасына ылайык көрсөтүлгөн кызматтардын сапаты жана шарттары тууралуу маалыматты жеткиликтүү жерлерде жайгаштырууга;
– медициналык камсыздандыруу субъекттерин иш режиминин, кызматтардын ассортиментин, ошондой эле мамлекеттик кепилдиктер программасында белгиленген жеткиликтүүлүк жана сапат көрсөткүчтөрү тууралуу толук маалымат менен камсыздоого милдеттүү.
