Кыргыз Республикасынын Тышкы иштер министринин орун басары Кайрат Турсункулов 2026-жылдын 20-февралында Гана Республикасынын Тышкы иштер министринин орун басары Джеймс Джакье Куайзон менен телефон аркылуу сүйлөшүүлөрдү өткөрдү. Бул тууралуу маалымат Кыргыз Республикасынын Тышкы иштер министрлигинен алынды.
Сүйлөшүүлөрдүн жүрүшүндө эки тараптуу кызматташтыкты бекемдөө жолдору талкууланды, ошондой эле эки өлкөнүн тышкы саясат ведомстволорунун ортосундагы өз ара аракеттенүүнү активдештирүү зарылдыгы боюнча макулдашууга жетишилди.
Көп тараптуу форумдардагы кызматташууга өзгөчө көңүл бурулду. Ошондой эле тараптар жогорку деңгээлдеги эки тараптуу визиттерди уюштуруу пландарын талкуулашты.
