Жаш сүрөтчү 1997-жылдын 7-апрелинде Кара-Кулда жарык дүйнөгө келген. 2003-жылы ал М.Фрунзе атындагы №3 орто мектептин 1-классына кирип, 2014-жылы билим алууну ийгиликтүү аяктап, отличник аттестатын алган. Ошол эле жылы Жибек Бишкектеги И.Раззаков атындагы КТУга «киим дизайнери» адистиги боюнча студент болуп кирип, 2018-жылы окуусун аяктап, диплом алган.
Учурда Жибек турмушка чыккан жана 2023-жылдын сентябрынан тартып Кара-Кулдагы Ч.Айтматов атындагы чыгармачылык үйүндө иштеп жатат.
Анын уникалдуу «Көчмөндүн жаны» коллекциясы көчмөндөрдүн байыркы салттары менен заманбап мода тенденцияларын айкалыштырат. Коллекциянын негизин жүн жана жүндөн жасалган табигый материалдар түзөт, булар кылымдар бою кыргыз көчмөндөрү тарабынан улуу тоолор жана чексиз талаалар аркылуу саякаттоодо колдонулуп келген. Коллекция табияттын күчтөрүн — тоолор, күн, от, шамал жана көчмөн жанынын символдорун чагылдырат. Жүндөн жасалган ар бир кийимдин өзүнүн мүнөзү бар: массивдүү жана оордон, жеңил жана аба сыяктуу, ал эми колдонулган орнаменттер жана түстөр символикалык окуяларды жаратат.
Университетти аяктагандан кийин Жибек мода үйүндө дизайнер болуп иштеген. 2018-жылдан 2023-жылга чейин Екатеринбургда болуп, жергиликтүү салондордун биринде той көйнөктөрүн долбоорлоого катышкан.
