Осмоновдун кандидатурасы Жогорку Кеңеште бекитүүгө сунушталат
Дамирбек Осмонов саламаттык сактоо министринин милдетин аткаруучу кызматка дайындалды, бул тууралуу президенттин администрациясы маалымат берди.
Президент тарабынан тиешелүү жарлыкка кол коюлду.
44 жаштагы Дамирбек Осмонов Ош шаарында туулган.
Ал Анкарада (Түркия) университетте билим алып, андан кийин Стамбулда практикалык тажрыйба топтогон.
2016-жылы Кыргызстанга кайтып келип, «Бикард» аттуу клиниканы негиздеген.
Осмонов кыргыз, англис, орус жана түрк тилдеринде эркин сүйлөйт.
Мындан тышкары, ал эл аралык илимий басылмаларда жарыяланган көптөгөн илимий эмгектердин автору.
