26-февралда саат 15:00дө Гапар Айтиев атындагы көркөм өнөр музейинде Н.К. Рерих атындагы борбор-музей тарабынан уюштурулган «Рерих Көркүнүн Жарчысы. Устат, Устаттын уулу» аттуу көргөзмө ачылат.
Бул иш-чара Николай Рерихтин Борбордук Азиядагы экспедициясынын 100 жылдыгына жана Москвада жайгашкан Эл аралык Рерихдер борборунун негиздөөчүсү Людмила Шапошникованын 100 жылдыгына арналгандыгы тууралуу маалымат берилди.
Святослав Николаевич Рерих, белгилүү сүрөтчү, илимпоз жана коомдук ишмер, 1989-жылы Индиядан ата-энесинин баа жеткис мурасын мекенине кайтарып, Москвада Н. К. Рерих атындагы борбор-музейди негиздеген. Людмила Шапошникова ушул музейдин директору болуп дайындалып, көп жылдар бою ушул кызматты аркалаган.
Людмила Васильевна Шапошникова — белгилүү чыгыш таануучу, жазуучу жана философ, ошондой эле Россиянын искусствосунун эмгек сиңирген ишмери. Ал Дж. Неру атындагы Эл аралык сыйлыктын лауреаты, РАЕНдин академиги жана К. Э. Циолковский атындагы Россиянын космонавтика академиясынын мүчөсү, ошондой эле Св. Климент Охридский атындагы университеттин, Монголиянын илимдер академиясынын жана Кыргыз-Россия Славян университетинин Почеттүү доктоору. 1990-жылдан 2015-жылга чейин Н. К. Рерих атындагы коомдук музейдин генеральдык директору болуп иштеген.
Кошумча маалымат алуу үчүн 0557330955 номерине чалыңыз.
