Кандидатураларды сунуштап жатып, президенттин жана министрлер кабинетинин Жогорку Кенештеги туруктуу өкүлү Бектур Зулпиев бул дайындоолордун маанилүүлүгүн белгиледи. Маселени талкуулаган соң, депутаттар тиешелүү токтомду кабыл алышты.
Талкуу учурунда депутаттар суу ресурстары, айыл чарба жана саламаттык сактоо тармагындагы негизги көйгөйлөрдү чечүүнүн зарылдыгын баса белгилешти.
Улан Бакасов Нарын облусунда сугат суусунун жетишсиздиги жана сутка бою жөнгө салуучу бассейндерди (СБР) курууга муктаждык бар экендигин белгиледи. Гуля Кожокулова суу чарба тармагын өнүктүрүүдө комплекстүү мамиле жүргүзүүнүн маанилүүлүгүн белгиледи. Медицина мекемелерин кадрлар менен камсыздоо маселесин Таалайбек Сарыбашов көтөрдү.
Жаныбек Аматов регионалдык ооруканалардагы жабдууларды модернизациялоонун зарылдыгын, медициналык кызматтардын сапатын жана жеткиликтүүлүгүн жакшыртуу үчүн белгиледи. Жылдыз Садырбаева биринчи медициналык-санитардык жардамды күчөтүү жана алдын алуу чараларын өнүктүрүүгө багытталган структуралык реформаларды өткөрүүнү сунуштады. Махабат Мавлянова органикалык айыл чарбасын өнүктүрүүнүн маанилүүлүгүн баса белгиледи.
