Өзбекстанда эң активдүү жаш окуучулар үчүн акчалай сыйлык бериле турганы тууралуу жарыяланды. Жаштар менен болгон жолугушууда өлкө президенти бул демилгени билдирген.
Эң көп китеп окуган жана окуганын терең түшүнгөн окуучулар 10 миллион сум (817 АКШ доллары) сыйлыкка ээ болушат.
Бул программа боюнча жаңы окуу жылына чейин 100 мыкты адабий чыгармадан турган атайын жыйнак түзүлүп, өлкөдөгү бардык мектептерге жана техникалык окуу жайларга таратыла турганы маалымдалды.
Мындан тышкары, авторлорго да колдоо көрсөтүлөт. Таланттуу жазуучуларга жыл ичинде ай сайын 20 миллион сум (1 634 АКШ доллары) чыгармачылык тапшырмаларды алуу мүмкүнчүлүгү берилет. Бул чаралар жаштардын окууга болгон кызыгуусун жандандырууга жана заманбап улуттук адабиятты өнүктүрүүгө багытталган.
Ташкенттеги өз кабарчы Туланбай Курбанов
