Кыргызстандагы Россотрудничество өкүлчүлүгүнүн жетекчиси Альберт Зульхарнеев "Росатом" Россиядан тышкары социалдык жана билим берүү программаларын активдүү өнүктүрүп жатканын, мындай мамиле маанилүү экенин белгиледи. Кыргыз Республикасынын табигый ресурстар, экология жана техникалык көзөмөл министринин орун басары Асель Раимкулова мамлекеттик корпорацияга экологияны коргоодогу көп жылдык кызматташтыгы үчүн ыраазычылык билдирди, мындай конкурстар өлкөнүн "жашыл" экономикага өтүүсүндө негизги роль ойнойт деп белгиледи.
Конкурстун жыйынтыгында Кыргызстандагы беш уникалдуу долбоор гранттык колдоо алды:
"Көз менен көрүү" — угуу жана көрүү мүмкүнчүлүгү чектелген адамдарга жардам берүү программасы;"Достук Дарагы" — жаштар арасында экологиялык маданиятты калыптандыруу боюнча демилге;"Жаштар таза шаар үчүн" — шаарларда волонтерлукту өнүктүрүүгө көмөктөшүүчү долбоор;"Чыйырчык: биздин жайыттарды коргойлу" — табигый ресурстарды коргоо боюнча интерактивдүү квест;"EcoDigital" — экология үчүн санариптик чечимдер аркылуу муундарды бириктирген долбоор.
Кыргызстандагы "Росатом" өкүлчүлүгүнүн генеральный директору Дмитрий Константинов корпорациянын негизги приоритеттери экологияны коргоо жана жаштардын социалдык жоопкерчилигин колдоо экенин баса белгиледи. Иш-чарага "Евразия Кыргызстан" регионалдык кеңсесинин директору Кымбат Урумкулова да катышты.
Долбоорлордун авторлору эксперттерге өз идеяларын сунуштап, санариптик технологияларды киргизүү, волонтерлорду тартуу жана жергиликтүү коомчулуктар менен иштөө боюнча конкреттүү чаралар тууралуу айтып беришти. Жардам берүүчү колдоо жеңүүчүлөргө өз демилгелерин жакынкы убакта ишке ашырууга мүмкүнчүлүк берет.
