«Ынтымак Ордо» борборунда Эдиль Байсаловдун жетекчилиги менен өткөн республикалык жыйындын жыйынтыгы боюнча 2025-жылга карата маданият, спорт, туризм жана жаштар саясаты боюнча маалыматтар берилди.
Эдиль Байсалов өткөн жылы маданият мекемелеринин материалдык-техникалык базасын жакшыртууга 851 миллион сом бөлүнгөнүн белгиледи. Мындан тышкары, театрлар жана көркөм мекемелердин акы төлөнүүчү кызматтарынан түшкөн кирешелер рекорддук 155 миллион сомго жетти.
Жаштар саясаты боюнча каржылоонун көлөмү 2021-жылы 4 миллион сомдон 2025-жылга карата 50 миллион сомго чейин өстү. Спорт тармагынын бюджети да кыйла көбөйдү, 2021-жылы 953 миллион сомдон 2025-жылы 2,6 миллиард сомго жетип, 2,6 эсеге өстү.
Туризм жаатында валдык кошумча нарк 74,4 миллиард сомду түзүп, 2024-жылга салыштырмалуу 29% га жогорулады.
Жыйында Байсаловдон тышкары президент Садыр Жапаров, ошондой эле министрлер кабинетинин өкүлдөрү, мамлекеттик органдардын жетекчилери, президенттин аймактардагы ыйгарым укуктуу өкүлдөрү, Бишкек жана Ош шаарларынын мэйлери, ошондой эле райондордун акимдери катышты.
