Баткен облусунун Ички иштер башкармалыгынан алынган маалыматка ылайык, 2026-жылдын 2-мартынан тарта региондо атайын операция өткөрүлүп, натыйжасында гашиш сатуу менен алектенген кылмыштуу топтун иши токтотулду.
КРнын Кылмыш кодексинин 282-беренеси («Наркотиктерди, психотроптук заттарды жана алардын аналогдорун мыйзамсыз даярдоо, сатуу максатында») боюнча козголгон кылмыш ишинин алкагында, оперативдик-издөө иш-чараларынын натыйжасында шаар тургундары: 21 жаштагы А.Б. жана 22 жаштагы Д.А. кармалды.
Шектүүлөр убактылуу кармоо жайына жайгаштырылып, тергөө иштери улантылууда. Оперативдик-профилактикалык иш-чаралар 2026-жылдын 7-мартына чейин пландаштырылган.
