Жергиликтүү администрация тарабынан берилген маалыматка ылайык, бул иш-чара шаардык мэрия тарабынан Иссык-Ата райондук ички иштер бөлүмүнүн (ИИБ) жаштар инспекциясынын кызматкерлери менен, ошондой эле коомдук уюмдар жана социалдык коргоо кызматтарынын катышуусунда уюштурулган.
Рейддин негизги максаты жаштар арасында укук бузуулардын алдын алуу жана түнкү убакта алардын коопсуздугун камсыздоо болуп саналат. Өткөрүлгөн иш-чаралардын натыйжасында ички иштер бөлүмүнө 15 жашы жете элек бала жеткирилди.
Балдар мыйзамдуу өкүлдөрсүз жүргөндүктөн, ата-энелерине балдардын ден соолугун жана өнүгүүсүн коргоого багытталган нормаларды бузгандыгы үчүн, укук бузуулар кодексинин 74-беренеси боюнча административдик протоколдор түзүлдү.
Мэриядан билдиришкендей, мындай рейддер балдардын укуктарын коргоо жана өспүрүмдөрдүн кылмыштуулугун алдын алуу максатында үзгүлтүксүз өткөрүлөт.
