4-марттан 7-мартка чейин Бишкекте «Умут» аттуу XIII Эл аралык жаш кинематографисттер форуму өттү, бул тууралуу Кыргызстандын Маданият, маалымат жана жаштар саясаты министрлиги билдирет.
Форум учурунда 38 фильм көрсөтүлүп, мастер-класстар жана долбоорлорду сунуштоо уюштурулду.
Жабылуу аземинде «Эң жакшы фильм» сыйлыгы эл аралык категорияда армян фильми «Голгофа үстүндөгү чайкалар» үчүн берилди, режиссери Лия Карапетян. «Эң жакшы режиссура» сыйлыгы Азербайжандын Нурлан Хасанлысына «Эрте сезимдер» фильми үчүн берилди.
Улуттук конкурс боюнча башкы сыйлык Толомуш Жаныбековдун «Балык» («Рыба») фильмина берилди, ал эми «Эң жакшы режиссер» наамы Данияр Абировго «Обончу» фильми үчүн ыйгарылды.
Мындан тышкары, долбоорлорду сунуштоо жыйынтыгы боюнча «Сен жана Мен» долбоору «Кыргызфильм» киностудиясынан колдоо алды, ошондой эле «Соучастник», «Ультразвук» жана «Жест» долбоорлору финансылык колдоо алышты.
