Кыргыз Республикасынын Министрлер Кабинети айыл чарба жаныбарларын экспорттоого убактылуу тыюу салуу чечимин кабыл алды. Кабминдин маалымат кызматынын билдирүүсүнө ылайык, бул тыюу алты ай бою күчүндө болот.
Чектөөлөргө іри мүйүздүү мал, койлор жана козулар, ошондой эле аттар кирет. Бул жаныбарларды классификациялоо ЕАЭБнин ТН ВЭД коддору боюнча жүргүзүлөт: 0102 іри мүйүздүү мал үчүн, 0101 аттар үчүн жана 0104 койлор менен козулар үчүн.
Анткен менен, бул тыюудан исключениялар бар:
– Кыргыз Республикасынын аймагынан транзит;
– мелдештерге катышуу үчүн спорттук аттарды чыгаруу;
– чет өлкөлөргө, эл аралык уюмдарга же жеке жактарга белекке берилген аттар;
– мамлекеттик оператор тарабынан экспорттолгон жандуу айыл чарба продукциясы
– «Кыргыз Агрохолдинг» ачык акционердик коомунун тарабынан, өлкөнүн аймагында өстүрүлгөн продукциядан тышкары;
– аба каттамы аркылуу аттарды чыгаруу.
Бул токтомду Кыргыз Республикасынын Министрлер Кабинетинин төрагасы Адылбек Касымалиев кол койгон.
Бул тыюунун негизги максаты азык-түлүк коопсуздугун камсыздоо жана өлкөдөгү азык-түлүк бааларын стабилдештирүү болуп саналат.
Бул боюнча тиешелүү мамлекеттик органдарга көрсөтмөлөр берилди.
Толук маалыматты төмөнкү шилтемеден алсаңыз болот: https://www.gov.kg/ru/npa/s/4788
