Кыргызстанда жаш ата-энелер жана келечектеги жубайлар үчүн билим берүү курстарын иштеп чыгуу боюнча жаңы Жобо кабыл алынды. Бул чечим Кыргыз Республикасынын Министрлер кабинетинин төрагасы Адылбек Касымалиев тарабынан кол коюлду.
Документтин максаты — Кыргыз Республикасынын «Жаштар жөнүндө» мыйзамын ишке ашыруу, бул үй-бүлө институттарын бекемдөөгө, ата-энеликке жоопкерчиликтүү мамиле түзүүгө жана жаш муундар арасында психологиялык-педагогикалык билимди жогорулатууга багытталган.
Бул токтомдун негизги милдети — никеге кирген жаштар жана жаңы ата-энелер үчүн окуу планын жана курстарды уюштурууда бирдиктүү стандарттарды орнотуу.
Бул токтомго байланыштуу иш-чараларды каржылоону тиешелүү мамлекеттик органдар жана жергиликтүү бийликтер (макулдашуу боюнча) үчүн каралган бюджеттин алкагында, ошондой эле мыйзам тарабынан тыюу салынбаган башка булактардан жүргүзүү пландаштырылууда.
Эмгек, социалдык камсыздандыруу жана миграция министрлигине, ошондой эле Кыргыз Республикасынын Маданият, маалымат жана жаштар саясаты министрлигине жаңы токтомго ылайык өз чечимдерин адаптациялоону тапшырылды.
