Бул кызмат тарабынан берилген маалыматка ылайык, экстремизм жана мыйзамсыз миграция менен күрөшүү кызматында иштеген оперативдик кызматкерлер бир катар иш-чараларды өткөрүшүп, Кыргызстанда тыюу салынган экстремисттик материалдарды таратып жаткан эркекти кармашкан.
«Эксперттик корутундулар анын социалдык тармактарда террордук жана экстремисттик уюмдар менен байланышкан контентти бөлүшкөнүн көрсөтүп жатат», — деп тактады маалымат кызматы.
Жыйналган далилдер жана экспертизанын жыйынтыктарынын негизинде КРнын Кылмыш кодексинин 332-беренеси («Экстремисттик материалдарды даярдоо жана таратуу») жана 330-беренеси («Расалык, этникалык, улуттук, диний же аймак аралык жек көрүүнү козутуу») боюнча кылмыш иши козголду, андан кийин тергөө иштери башталды.
Оперативдүү-издөө иш-чараларынын жүрүшүндө шектүү катары 1992-жылы туулган Дж. уулу М. кармалып, убактылуу кармоо жайына жайгаштырылды.
Учурда бул кылмыш ишине байланыштуу башка мүмкүн болгон катышуучуларды аныктоого багытталган тергөө иштери улантылууда», - деп кошумчалашты билдирүүдө.
