Бул окутуу «Ортолук Азиядагы климаттык финансирлөөгө тоскоолдуктарды жоюу» долбоорунун алкагында уюштурулуп, жашыл финансирлөөнү өнүктүрүүгө жана банктарда экологиялык жана социалдык коркунучтарды башкаруу боюнча эл аралык стандарттарды киргизүүгө багытталган.
Тренингдин жүрүшүндө катышуучулар кредиттик циклга ESRM системасын киргизүүнү, экологиялык жана социалдык коркунучтарды баалоо ыкмаларын, ошондой эле долбоорлорду комплексдүү текшерүү процедураларын үйрөнүштү. Ошондой эле коркунучтарды мониторингдөө жана тиешелүү маалыматтарды башкаруу үчүн маалыматтык системаларды пайдаланууга көңүл бурулду.
Экономика министрлигинде жашыл банкингди өнүктүрүү Кыргызстандын туруктуу экологияга өтүшүнүн негизги аспекти экендигин белгилешти. Мындай мамиле кайра жаралуучу энергия, энергияны үнөмдөө, жашыл курулуш жана туруктуу айыл чарба тармагындагы долбоорлор үчүн финансылык продуктыларды түзүүнү камтыйт.
