Кыргызстанда он университет атайын статуска ээ болду, бул тууралуу илим жана жогорку билим берүү министринин орун басары Дурус Козуев Жогорку Кеңештин комитетинин жыйынында билдирди.
Министрдин орун басары университеттер академиялык, финансылык жана башкаруу чөйрөсүндө бир катар артыкчылыктарга ээ болгонун түшүндүрдү. Бул чаралар билим берүү мекемелерине өз инфраструктурасын, жаңы окуу имараттарын жана жатаканаларды куруу боюнча натыйжалуу өнүктүрүүгө мүмкүндүк берет.
Мындан тышкары, Козуев Кыргыз улуттук университетинин аймагында Жибек-Жолу көчөсүндө 16 кабаттуу имараттын курулушу жүрүп жатканын билдирди. Анын айтымында, бул объекттин курулушунун бир бөлүгү уже аяктаган. Жаңы корпус көп функциялуу болуп, административдик кеңселерди жана окуу аудиторияларын камтыйт.
