15-мартта саат 06:47де Токмок шаардык милициясынын кезектеги бөлүмүнө 3-микрорайондо көп кабаттуу үйдө болгон өлтүрүү тууралуу сигнал келип түштү.
Окуя болгон жерге келген милиция кызматкерлери 46 жаштагы эркектин денесин, төшүнө бычак сайылган абалда отурган жеринен тапты.
Бул окуя КРнын Кылмыш-жаза кодексинин 122-беренеси ("Өлтүрүү") боюнча квалификацияланды. Шектүү катары 1974-жылы туулган К.Ж. аттуу аял кармалган, ал өлтүрүлгөндүн жарандык аялы болуп чыккан.
Тергөө жүргүзүүдө, жубайлардын ортосунда чыр-чатак болгондугу, аял бычакты алып, эркектин төшүнө сокку ургандыгы болжолдонууда. Натыйжада, ал окуя болгон жерде көз жумган.
Учурда тергөө иштери жүргүзүлүүдө.
