Жогорку Кеңештин спикери Марлен Маматалиев Кыргызстандагы Дүйнөлүк банктын өкүлү Хью Ридделл менен жолугушту.
Парламенттин басма сөз кызматы билдиргендей, Маматалиев Дүйнөлүк банк менен өнөктөштүктүн маанилүүлүгүн жана республикада көптөгөн долбоорлорду ийгиликтүү ишке ашырууну белгиледи.
Ал экология, климаттык өзгөрүүлөр жана тоо саясатын жакшыртуу сыяктуу тармактарда кызматташууну тереңдетүүгө кызыктар экенин билдирди. Спикер Жогорку Кеңеш учурдагы мыйзам чыгаруу маселелери боюнча пикир алмашууга жана сунуштарга өзгөчө көңүл бурарын белгиледи.
Мисал катары, мамлекеттик сатып алуулар тармагындагы мыйзамдарды кайра карап чыгуу зарылдыгын айтты.
Ридделл, өз кезегинде, бул маселе боюнча өз пикирин билдирип, күчүндө болгон мыйзамды жакшыртууга даяр экенин билдирди.
Мамлекеттик сатып алуулар тармагындагы мыйзамдарды өнүктүрүү жана жакында киргизилген өзгөртүүлөр боюнча талкуу болду.
