Бишкекте, 21-мартта саат 15:00дө, Ч. Айтматов атындагы Мамлекеттик улуттук орус драма театры пенсионерлер үчүн «Айтматов» спектаклинин акысыз көрсөтүлүшүн өткөрөт, деп билдиришти театрдын өкүлдөрү.
«Биз сиздерге бул майрамдык күнү унутулгус таасирлерди тартуулагыбыз келет жана коомго кошкон салымыңыз үчүн ыраазычылыгыбызды билдиребиз. Нооруз майрамынын урматына биз «Айтматов» спектаклинин кайрымдуулук көрсөтүлүшүн уюштурдук, бул сиздерге улуу жазуучунун чыгармачылык дүйнөсүнө кирүүгө, терең маанилерден жана биздин актерлордун мыкты оюндарынын ырахат алууга мүмкүнчүлүк берет», - деп айтылат театрдын кайрылуусунда.
«Сиздер менен жолугушууну чыдамсыздык менен күтүп жатабыз! Бул күнү биргеликте майрамдап, оң эмоциялар алуу үчүн келиңиздер», - деп кошумчалашты театрдан.
Спектакльдү режиссер Вячеслав Виттих койгон.
Инсценировкасын Артем Бруно даярдаган.
Спектакльдө театрдын бардык труппасы катышат.
Көрсөтүүнүн узактыгы 1 саат 20 мүнөт, антрактсыз.
