Президенттик лицей “Акылман” 2026-2027-окуу жылына таланттуу 6–7-класстын окуучулары үчүн конкурс өткөрөт. Бул тууралуу пресс-конференцияда лицейдин коомчулук менен байланыштар боюнча директору Азиреткул Асанов билдирди.
Келечектеги окуу жылында Манас жана Талас шаарларында жаңы филиалдар ачуу пландалууда. 6-класстан 7-класска өтүү үчүн тандоо процедурасы Чолпон-Ата, Манас жана Талас филиалдарында өтөт, ал эми 7-класстан 8-класска өтүү үчүн тандоо Манас жана Талас филиалдарында гана жүргүзүлөт.
Лицей “Акылман” тарабынан уюштурулган конкурс үч этаптан турат, алардын биринчи эки этапы онлайн режиминде synak.akylman.edu.kg порталы аркылуу өтөт, ал эми үчүнчү этап офлайн режиминде облустук борборлордо өтөт.
Конкурс негизинде төмөнкү предметтер боюнча билимдер текшерилет:
- Математика
- Логикалык тапшырмалар
- Кыргыз тили
- Орус тили
- Тарых.
- Математика
- Логикалык тапшырмалар
- Кыргыз тили
- Англис тили.
Кошумча маалымат алуу үчүн төмөнкү байланыштарга кайрылсаңыз болот:
- 0704 14 07 92, 0707 79 60 63, 0552 99 33 01, 0708 29 86 47,
-synak.akylman.edu.kg
