Анын айтымында, регион 12 жылдык билим берүү системасына өтүүгө даярдык көрүүдө.
Бүгүнкү күндө облус боюнча жаңы система алкагында төмөнкү көрсөткүчтөр катталды:
Окуучулардын саны:
- 1-класстарда 4 миң 682 окуучу билим алууда;
- 2-класстарда 5 миң 383;
- 5-класстарда 5 миң 533;
- 7-класстарда 5 миң 676.
Окуу материалдары:
- мектептерге жалпы 88 миң 321 окуу китеби жана 56 698 жумушчу дәптер жеткирилди.
Мындан тышкары, мугалимдерге 1 миң 814 методикалык колдонмо берилди.
Техникалык камсыздоо:
- санариптештирүү алкагында облуска 2 миң 977 ноутбук бөлүштүрүлдү.
Алардын ичинен:
англис тили мугалимдерине — 395;
STEM дисциплиналарынын мугалимдерине — 1324;
башталгыч класстардын мугалимдерине — 1258.
Адистердин квалификациясын жогорулатуу:
- 1 миң 856 мугалим, методист жана бөлүм жетекчилери атайын квалификацияны жогорулатуу курстарынан өтүштү.
Учурда Нарын облусунун бардык мугалимдери санариптик билим берүү платформаларын колдонушат. Электрондук ресурстар педагогдорго сабактарды заманбап деңгээлде өткөрүүгө жана зарыл материалдарды ыкчам алууга жардам берет.
