Лаборатория Оргочор айылындагы Мамбета Тынаев атындагы орто мектепте ишин баштады. Проектти ишке ашыруу үчүн 1 миллион сом бөлүнгөн, бул комплексти бардык зарыл жабдуулар жана материалдар менен камсыздоого мүмкүндүк берди, анын ичинде:
- 18 түрдүү химиялык посуда;
- 23 түрдөгү химиялык реактивдер;
- эксперименттерди көрсөтүү үчүн интерактивдүү панель;
- жабдууларды жана реагенттерди коопсуз сактоо үчүн атайын шкафтар.
Эрмек Бахавадиновдун айтымында, лабораториянын ачылышы окуучулар үчүн жаңы мүмкүнчүлүктөрдү түзүп, билим берүүнүн сапатын жогорулатууда маанилүү кадам болот. Бул жаңы мейкиндик мугалимдерге сабактарды натыйжалуу өткөрүүгө, теориядан практикага өтүүгө мүмкүндүк берет. «Лаборатория окуучуларга практикалык сабактар жана эксперименттер аркылуу билимдерин тереңдетүүгө мүмкүнчүлүк берет. Ошондой эле, келечекте жергиликтүү фермерлер бул лабораториядан консультациялар жана керектүү маалыматтарды алуу үчүн пайдалана алат деп үмүттөнөбүз», - деди ал.
