Бишкекте, 26-мартта, WorldSkills Кыргызстан боюнча үчүнчү регионалдык этап мелдештери башталды, деп билдирет Билим берүү министрлиги.
Мелдештер №18 жана №27 кесиптик лицейлеринин базасында өтүп, «Мода технологиялары», «Ашпозчулук» жана «Токмо технологиялары» тармактарын камтыйт. Ошондой эле Караколдо ачылыш болуп, анда билим берүү министринин орун басары Альберт Махметкулов катышты.
Бул мелдештерге Бишкектен, ошондой эле Чүй, Талас, Ысык-Көл жана Нарын облустарынан катышуучулар катышууда. Түштүк регион үчүн мелдештер 30-31-мартта Ошто пландалган.
Регионалдык этапта сыйлык алган катышуучулар 2026-жылдын 13-17-апрелинде өтө турган WorldSkills Кыргызстан боюнча улуттук чемпионатка катышуу мүмкүнчүлүгүнө ээ болушат. Анын жыйынтыгы менен 2026-жылы Шанхайда өтө турган эл аралык WorldSkills чемпионатына катышуу үчүн команда түзүлөт.
Иш-чараларды уюштурууну Кыргыз Республикасынын Билим берүү министрлиги жана WorldSkills Кыргызстан коомдук фонду биргелешип жүргүзүүдө.
