Вице-премьер Эдиль Байсалов Ош шаарындагы социалдык мекемелер боюнча таанышуу сапарын өткөрдү, деп билдирет өкмөт.
Кабминдин маалыматына ылайык, ал курулуп жаткан Ош шаардык клиникалык ооруканасын зыярат кылды. Мындан тышкары, Ош мамлекеттик университетинин медициналык борборунда ал боор трансплантациясы ийгиликтүү жүргүзүлгөн бейтап менен жолугушту. Азыркы учурда аталган клиникада 100дөн ашык татаал хирургиялык операциялар, анын ичинде боор трансплантациясы, бөйрөктөрдү трансплантациялоо жана жүрөк-кан тамыр системасына операциялар жасалган.
Сапардын жыйынтыгы боюнча социалдык объектилердин ишин жакшыртуу боюнча тиешелүү көрсөтмөлөр берилди.
