Чолпон Рахманованын айтымында, «ТМДнын мыкты педагогы» конкурсу Тил жана адабият боюнча илимий-изилдөө борбору тарабынан ТМД өлкөлөрүнүн педагогдору ортосунда тажрыйба алмашууну колдоо жана билим берүү тармагында эң мыкты адистерди аныктоо максатында уюштурулган.
Конкурс Казакстан Республикасынын Билим берүү министрлигинин колдоосу менен өткөрүлдү. «Анда мугалимдер, тарбиячылар жана жогорку окуу жайларынын окутуучулары катышып, өз жетишкендиктери, методикалык иштеп чыгуулары жана жаңы демилгелери менен бөлүшүштү. Биздин алты мугалим жогорку кесипкөйлүк жана креативдүүлүктү көрсөтүштү, бул аларга «ТМДнын мыкты педагогы» наамын алууга мүмкүндүк берди. Бардык жеңүүчүлөр эскерүү белектери, статуэткалар, дипломдор жана ыраазычылык каттары менен сыйланды», — деп кошумчалады мугалим.
«ТМДнын мыкты педагогы» сыйлыктары төмөнкү педагогдорго тапшырылды:
- Кавар Күрөңкеева — башталгыч класстардын окуу бөлүмүнүн жетекчиси;
- Байсогур кызы Нарынкул — башталгыч класстардын мугалими;
- Сагынбү Рахман кызы — башталгыч класстардын мугалими;
- Нуржаз Ташыбек кызы — башталгыч класстардын мугалими;
- Гүлипа Мамбетакунова — музыка мугалими;
- Айжаркын Садыкбаева — уюштуруучу.
