Эмгек, саламаттыкты сактоо, аялдардын маселелери жана социалдык маселелер боюнча комитеттин жыйынында Кыргыз Республикасынын «Граждандардын медициналык камсыздандыруусу жөнүндө» мыйзамына өзгөртүүлөрдү киргизүү боюнча мыйзам долбоору каралды. Бул долбоор биринчи окууда оң баа алды.
Саламаттыкты сактоо министринин орун басары Айбек Маткеримов сунушталган өзгөртүүлөр жарандар үчүн милдеттүү медициналык камсыздандырууну киргизүүгө багытталганын, бул камсыздандыруу милдеттүү медициналык камсыздандыруу фонду менен келишим түзгөн медициналык уюмдар тарабынан ишке ашырыларын белгиледи. Ошондой эле, белгилүү категориядагы жарандар үчүн акысыз жана жеңилдетилген медициналык кызматтарды берүү каралган.
